بسم الله الرحمن الرحیم

“کابل ښوونې او روزنې پوهنتون د هېواد په کچه یوازېنی پوهنتون دی چې د لوړو زده کړو لپاره د مسلکي او متخصصو استادانو او د ښوونې او روزنې ثانوي زده کړو مسلکي ښوونکو د روزنې په موخه رامنځ ته شوی دی، دا پوهنتون هڅه کوي چې د یوې معتبرې اکاډمیکې ادارې په حیث د هېواد د ښوونې او روزنې په برخه کې شته اړتیاوې درک او پر وخت ورته ځواب ووایي، دا راز یاد پوهنتون د علمي کهول په دیني، فکري او اخلاقي ودې تمرکز کوي او هڅه کوي چې دا قشر له هر ډول تبعیض، تعصب او تاوتریخوالي څخه پاک کړي.د پوهنتون رهبري هڅه کوي چې له منل شویو نړیوالو معیارونو سره سم د اعتبار او کیفیت له مخې د نړۍ له معتبرو پوهنتونونو سره برابر شي.اکاډمیک مرکز یوازې د زده‌کړو ځای نه دی؛ بلکې د فکر، اخلاقو، عدالت او روښانه راتلونکي بنسټ هم دی، زموږ موخه دا ده چې د معیاري تحصیل له لارې داسې نسل وروزو چې په علم، پوهه او انساني ارزښتونو سمبال وي.په دې اکاډمیک مرکز کې هڅه شوې چې د زده‌کړو لپاره لازمې آسانتیاوې برابرې شي، څو محصلین په خوندي، عادلانه او مناسب چاپېریال کې د خپلې وړتیا لوړولو فرصت ولري. موږ باور لرو چې عدالت او انصاف د تحصیلي نظام بنسټیز اصول دي او پرته له دې سالم علمي پرمختګ ناشونی دی.موږ ژمن یو چې د شفافیت، مساوات او علمي معیارونو پر بنسټ یو داسې تحصیلي چاپېریال رامنځته کړو چې هر زده‌کونکی پکې د ځان ارزښت احساس کړي او د خپل هېواد د خدمت لپاره چمتو شي.په پای کې د ټولو استادانو، محصلینو او کارکوونکو له هڅو مننه کوو او هیله لرو چې د ګډ کار، تفاهم او متقابل درناوي له لارې به خپل اکاډمیک مرکز د علم او عدالت په یوه ریښتینې نمونه بدل کړو. ”